पर्सा- नेपाल पत्रकार महासङ्घको मधेस प्रदेशको अध्यक्षमा प्रेस चौतारी र प्रेस युनियनको गठबन्धनका उम्मेदवार श्याम बञ्जरा निर्वाचित भएका छन। महासंघको मधेस प्रदेशको निर्वाचनमा मिश्रित अन्तिम मत परिणाम अनुसार अध्यक्षमा बञ्जरा निर्वाचित भएका हुन ।
चौतारी र युनियनको गठबन्धनबाट उम्मेदवार बन्नुभएका बञ्जराले ३१३ मत ल्याएर विजयी हुनुभएको हो । उहाँका प्रतिद्वन्द्वी अवधेस झाले २४६ मत पाउनु भएको छ । भने महासचिवमा प्रेस सेन्टर, समाजवादी प्रेस संगठन, प्रेस मञ्च लगायतका संगठनका साझा उम्मेदवार शैलेन्द्र महतो (क्रान्ति) निर्वाचित हुनुभएको छ । उहाँले ३९० मत पाउनु भएको छ ।
उहाँको प्रतिद्वन्द्वी राजन सिंहले ३२१ मत पाउनु भएको छ । सिंह प्रेस चौतारी र प्रेस युनियनको साझा उम्मेदवार हुनुहुन्थ्यो । महिला उपाध्यक्षमा ज्योती झा निर्वाचित हुनुभएको छ । उहाँले ३७१ मत ल्याउनु भएको छ । उहाँको प्रतिस्पर्धी हेम कुमारी (सुनिता) ले २३१ मत पाउनु भएको छ । त्यस्तै सचिवमा प्रेस सेन्टरका दिपक गौतम विजयी हुनुभएको छ । उहाँले २६५ मत ल्याउनु भएको छ । उहाँका प्रतिद्वन्द्व नविन कुमार नवलले २५० मत ल्याउनु भएको छ ।
प्रतिक्रिया