पौष २६ बिरगंज : नेपाल रेडक्रस सोसाइटी आदर्शनगर उपशाखाको ४१ औं उप शाखा सभाको अधिवेशन सम्पन्न गरेको छ। उक्त कार्यक्रममा प्रमुख अतिथि बिरगंज महानगरपालिका वडा नम्बर १० का अध्यक्ष सुशील साह कानुको आतिथ्यमा सम्पन्न भएको हो भने बिशिस्ट अतिथिमा नेपाल रेडक्रस सोसाइटी बिरगंज शाखाका सदस्य तथा निर्वाचन अधिकृत बिनोद गिरि,पुर्व वडा अध्यक्ष रामनगिना साह कानु लगाएतकाहरुको उपस्थिति रहेको थियोे।
उक्त कार्यक्रममा शुभकामना मन्तव्य आदर्शनगर उपशाखाको
सहसचिव प्रभाकर गुप्ताले गरेका थिए।
नेपाल रेडक्रस सोसाइटी बिरगंज रेशमकोठी उपशाखाका युवा संयोजक अभिलाष गुप्ताको पनि उपस्थिति रहेको थियो भने उक्त कार्यक्रम आदर्शनगर उपशाखाको सभापति सन्तोष कुमार गुप्ताको सभापतित्वमा सम्पन्न भएको हो।
बिरगंज महानगरपालिका वडा नम्बर १० का अध्यक्ष एवम् प्रमुख अतिथि सुशील साह कानु मानव सेवामा समर्पित रेडक्रसले विपद्को समयमा विशेष सहयोग गर्दै आएको उल्लेख गर्दै कार्यक्रमको औपचारिक उद्घाटन गरेका थिए ।
अधिवेशनले सर्वसम्मत रूपमा नयाँ कार्यसमिति गठन गरेको छ । नेपाल रेडक्रस सोसाइटी आदर्शनगर उपशाखाको ४१ औं उप शाखा सभाको अधिवेशन बाट सभापतिमा फेरि पनि सन्तोष कुमार गुप्ता,महिला उप सभापतिमा डौल दुबे,कोषाअध्यक्ष प्रमान्द साह कानु ,महिला सदस्य सोभा देबी,सदस्यहरुमा राकेश कुमार साह,रमेश साह,सुदामा बर्णबाल,रबि श्रीवास्तव लगाएतकाहरु नयाँ कार्यसमिति गठन गरि कार्यसमितिमा निर्बिरोध चयन भएको छ। उक्त अधिवेशनमा उपशाखाका आजिवन सदस्यहरु,पदाधिकारीहरुको उल्लेखनीय उपस्थितिमा कार्यक्रम समपन्न भएको छ ।
कार्यक्रममा बोल्दै विशिष्ट अतिथि बिनोद गिरीले रेडक्रसले विशुद्ध रूपमा मानव सेवामा योगदान पुर्याउँदै आएको बताए । उनले विपद्को समयमा रेडक्रसले महत्त्वपूर्ण भूमिका निर्वाह गर्दै विभिन्न किसिमका सहयोग प्रदान गर्दै पनि स्मरण गराए ।
कार्यक्रमले उपशाखाको सेवा र योगदानलाई अझ प्रभावकारी बनाउनका लागि नयाँ कार्यसमितिले भूमिका खेल्ने अपेक्षा गरिएको छ ।
आजको कार्यक्रम संचालन सचीव शिव गोयल गरेका थिए।
प्रतिक्रिया