वीरगञ्ज– ठाकुरराम बहुमुखी क्याम्पसमा स्ववियु निर्वाचनको समयमा नक्कली विद्यार्थीहरुले मतदान गरेको भन्दै आठदलीय विद्यार्थी संगठनहरुले पुन मतदान गर्नुपर्ने माग राखेका छन् ।
नेपाल पत्रकार महासंघको सभाहलमा आठदलीय विद्यार्थी समुहको नेतृत्व गदै आइरहेका स्वतन्त्र युवा समुहका सभापति उमेदवार श्याम गुप्ताले पत्रकार सम्मेलनमा ३ सय देखि ४ सय विद्यार्थीहरु फर्जी रहेको बताएका छन् ।उनले भने अहिले विभिन्न निजी कलेज तथा सामुदायिक बिधालयहरुमा कक्षा ११ मा अध्यनरत विद्यार्थीहरुले पनि स्ववियु निर्वाचनमा भाग लिएर मतदान गरेको गुप्ताले पत्रकार सम्मेलनमा बताएका हुन ।ठाकुरराम बहुमुखी क्याम्पसमा नक्कली प्रमाणपत्र प्रयोग गरि भर्ना भएको भन्दै क्याम्पसको शैक्षिक मर्यादा विपरीत हुनुका साथै कानुनी रुपमा गलत भएको भन्दै छानबिन गरि दोषीलाई कारवही गर्न माग गदै प्रमुख जिल्ला अधिकारीलाई ज्ञापनपत्र बुझाएको भए पनि कुनै चासो नलिएपछि बाध्य भएर पत्रकार सम्मेलनमार्फत उनीहरूको भन्डाफोर गर्नुपरेको गुप्ताले बताए ।
पत्रकार सम्मेलनमा भने हामीले प्रमाण सहित दिएको कागजात भए पनि कुनै चासो नहुनुले स्ववियु निर्वाचनमा धाधली गरि आफ्नो मान्छे जिताउने अभियानमा अहिले केही तत्व लागि परेको त्यो हामी हुन दिने छैनौं त्यसका लागि जस्तोसुकै आन्दोलन गर्नुपरे पछि आफुहरु नहुने बताएका हुन । हाम्रो माग पुरा नभए कानुनी प्रक्रिया मार्फत अगाडि बढनु पर्ने हुन्छ यद्यपि प्रशासनले बन्दुकको बलमा मतगणना गर्न खोज्छ भने हामी बहिष्कार गर्ने अर्को विद्यार्थी अखिल क्रान्तिकारीका अनिष कुमार पटेलले बताएका छन् ।उनले भने जो ठाकुरराम बहुमुखी क्याम्पसको असली विद्यार्थी हो उसले भोट हाल्न पाएको छैन नक्कली विद्यार्थीहरुले भने भोट हाल्ने हामीलाई शुरुआत देखि नै शंकास्पद लागेको थियो जुन विहान ८ बजेदेखि मतदान हुनुपर्ने ठाउँमा १० बजेबाट गरेको अर्कोतिर पत्रकारहरुलाई मतदान स्थलमा प्रवेश रोक लगाउनु निर्वाचन प्रमुखले आफ्नो मोबाइल अफ गर्नु मतपत्र सकिनु लगायत धेरै गतिविधि गदै आइरहेको सो पत्रकार सम्मेलनमा पटेलले बताएका हुन ।के यस्तो थाहा पाउदा पाउदा पनि मतगणना कसरी गराउने यो कुनै हालतमा हुनैसक्दैन भनेर बताएका छन् ।
पत्रकार सम्मेलनमा अखिल क्रान्तिकारी विद्यार्थी युनियनका अनिष पटेल , समाजबादी विद्यार्थी युनियन नेपालका महम्मद सागिर अली, अनेरास्ववियुका पवन यादव ,समाजबादी विद्यार्थी युनियनका हरिशंकर यादव ,स्वतन्त्रत युवा समुहको श्याम गुप्ता ,राष्ट्रिय प्रजातन्त्र युनियनका दिपेश कुमार साह,जय नेपाल विद्यार्थी संघका राजु गुप्ता ,सुधिर पटेल समुहको कमलेश यादव ,भोटफोरचेनका सन्तोष कुमार साह,राष्ट्रिय विद्यार्थी युनियनका मेघराज यादव लगायतको उपस्थित रहेको थियो ।
प्रतिक्रिया