पर्सा- नेकपा एमाले वीरगंज महानगरको दोस्रो अधिवेशन यहि चैत्र २९ गते हुने भएको छ । शनिबार पार्टीका महानगर अध्यक्ष राजेन्द्र यादवको अध्यक्षता एवं महानगर ईन्र्चाज बिचारी प्रसाद यादवको प्रमुख आतिथ्यमा सम्पन्न बैठकले चैत्र २९ गते महाधिवेशन गर्ने निर्णय गरेको हो ।
पार्टी कार्यालय मनमोहन नगर वीरगंजमा सम्पन्न बैठकले महाधिवेशनलाई सफलतापुर्वक सम्पन्न गर्न बिभिन्न उपसमितीहरु समेत गठन समेत गरेको छ । बैठकले महानगर अध्यक्ष यादव र सचिव कुर्मीको नेतृत्वमा मुल ब्यवस्थापन समिति गठन गरेको छ । यसैगरी प्रतिनिधि ब्यवस्थापन समितिको संयोजकमा राजेन्द्र यादव र सदस्यहरुमा सचिव सुन्दर कुर्मी , आमोद यादव रहेका छन । यस्तै बिनोद गिरीको संयोजकत्वमा प्रतिनिधि छनौट समिति गठन गरिएको सचिव कुर्मीले जानकारी दिए ।
बैठकमा पर्सा अध्यक्ष विश्वम्भर शर्मा, युवा नेता शिवजी गुप्ता,वडा अध्यक्ष विजय पटेल,जितेन्द्र यादव, सन्जु छतकुली, वडा सदस्य लालबाबु यादव लगायत नेता कार्यकर्ताको उपस्थिती थियो ।
बैठक पछि पार्टी कार्यालयमा वृहत सरसफाई गरिएको थियो । लामो समय सरसफाई नहुदाँ कार्यालय परिसरमा घाँसपात उम्रेरर फोहर देखिएकोले वृहत सरसफाई गरिएको ईन्र्चाज यादवले जानकारी दिए ।
प्रतिक्रिया