पर्सा- वीरगञ्जको ठाकुरराम बहुमुखी क्याम्पसमा जारी मतगणना शिलबन्दीको नम्बर नमिलेपछि विवादित बनेको छ। मतपेटिकामा लगाइएको शिलबन्दीको नम्बर नमिलेपछि उत्पन्न विवादका कारण मतगणना अवरुद्ध भएको छ।
मतगणना स्थलमा तनाव उत्पन्न भएपछि सुरक्षा व्यवस्था कडा पारिएको छ। हाल पत्रकारहरुलाई समेत मतगणना स्थलमा प्रवेशमा रोक लगाइएको छ। मत गणना कुनबेला सुचारु हुने भन्ने बारेमा कुनै जानकारी प्राप्त भएको छैन। बुधवार साँझबाट सुरु भएको मतगणनाको पछिल्लो अपडेटअनुसार, राजकुमारले ४२० मत प्राप्त गरेका छन् भने नेविसंघका आधिकारिक उम्मेदवार विकास मण्डल धानुकले २६१ मतमा चित्त बुझाउनुपरेको छ । मतान्तरले राजकुमारले विकासलाई १५९ मतले उछिनेका छन् ।
समाजवादी विद्यार्थी युनियनका हरिकिशोर यादव २२१ मतसहित तेस्रो, सुधीर पटेल समूहका कमलेश कुमार यादव २०४ मतसहित चौथो र अखिल नेपाल राष्ट्रिय स्वतन्त्र विद्यार्थी युनियन ९अनेरास्ववियु० का पवन यादव १५० मतसहित पाँचौँ स्थानमा छन् । तर, सबैको ध्यान राजकुमार र विकासबिचको कडा टक्करमा केन्द्रित छ ।
कुल १०,७२९ मतदातामध्ये ४,२९९ जनाले मतदान गरेको निर्वाचन समितिका संयोजक दिलीप सिंहले बताए ।
प्रतिक्रिया