वीरगन्ज,२९चैतः नेकपा एमालेका केन्द्रिय सदस्य तथा पर्सा जिल्ला ईन्चार्ज प्रभु हजराले पर्सामा पार्टीका नेताहरुबीचको अन्तरद्वन्द अन्त्य हुनुपर्ने बताएका छन् । शुक्रबार वीरगन्जमा आयोजित नेकपा एमालेको वीरगन्ज महानगर कमिटीको दोस्रो अधिवेशनको उद्घाटन सत्रलाई सम्बोधन गर्दै प्रतिनिधी सभा सदस्यसमेत रहेका हजराले पर्सामा एमालेभित्रको अन्तरद्वन्दले एमालेलाई ठूलो नोक्सानी भइरहेको बताए ।
हजराले भने,‘हामीत्र केहि अन्तरद्वन्द छन्, मनमुटाव छन् । त्यसले पार्टीलाई ठूलो नोक्सानी भइरहेको छ ।’२०८४ को निर्वाचनमा पर्साका १४ वटै पालिका, ४ प्रतिनिधीसभा र ८ प्रदेशसभा निर्वाचन क्षेत्रमा एमालेलाई कसरी जिताउन सकन्छि भनेर अहिलेदेखि लाग्ने हो भने पूरै जिल्ला एमालेमय हुनेपनि उनले बताए ।
उनले पार्टीको तीनमहिने अभियान अन्तर्गत अधिवेशनहरु चलिरहेको अवस्थामा पर्सा जिल्लामा पार्टी सदस्यता नविकरण पारदर्शी नभएको आरोपनि लगाए । उनले सदस्यता नविकरण नै पार्टीको विधान सम्मत र पारदर्शी हुन नसकेमा संगठन विस्तारमा समस्या आउनसक्ने बताए । त्यसकारण यसतर्फ जिल्लाका सबै नेताले ध्यानदिनुपर्नेमा उनले जोड दिए ।
प्रतिक्रिया